ActivePure® – virk loft- og yfirborðstækni

Betri loftgæði. Virk smitvörn. Heilnæmari innivist.

ActivePure® er einkaleyfisvarin loft- og yfirborðstækni sem vinnur gegn tilteknum bakteríum, veirum og myglusveppum í lofti og á yfirborðum.

Ólíkt hefðbundnum lofthreinsitækjum, sem fyrst og fremst fanga agnir úr loftinu, myndar ActivePure® virkar sameindir sem dreifast um rýmið og vinna þar gegn örverum.

DISACT býður upp á ActivePure® lausnir fyrir heimili, fyrirtæki og stofnanir, bæði til leigu og kaups. Einnig er hægt að prófa tækin áður en ákvörðun er tekin.

ActivePure® til leigu eða kaups

Þú þarft ekki að ráðast í mikla upphafsfjárfestingu til að nýta kosti ActivePure® tækninnar.

Hjá DISACT getur þú valið þá leið sem hentar þínum þörfum og aðstæðum.

Mánaðarleiga

Einföld og hagkvæm leið til að nýta ActivePure® til lengri tíma án þess að kaupa búnaðinn.

Leigan felur í sér fasta mánaðargreiðslu, ráðgjöf og reglubundið viðhald samkvæmt leigusamningi.

Prufuleiga í tvær vikur

Viltu prófa ActivePure® áður en þú tekur ákvörðun?

Við bjóðum tveggja vikna prufuleigu þar sem þú getur kynnt þér tækið í þínu eigin rými. Prufuleigugjaldið getur gengið upp í kaupverð ef ákveðið er að kaupa tækið að prufutíma loknum, samkvæmt skilmálum.

Kaup á ActivePure® tækjum

DISACT býður einnig ActivePure® tæki til kaups ásamt ráðgjöf um val á búnaði, uppsetningu, notkun og viðhald.

Hvað gerir ActivePure® einstaka?

Virk tækni sem vinnur í rýminu sjálfu

Hefðbundin lofthreinsun byggir gjarnan á síum sem fanga agnir þegar loftið fer í gegnum tækið. ActivePure® gengur lengra með því að mynda virkar sameindir sem berast út í rýmið og geta unnið gegn örverum bæði í lofti og á yfirborðum.

Helstu kostir ActivePure®:

  • Virkni í lofti og á yfirborðum. Tæknin vinnur ekki eingöngu með loftið sem fer í gegnum tækið heldur einnig úti í rýminu.

  • Stuðningur við smitvarnir. Rannsóknir hafa sýnt verulega fækkun tiltekinna baktería og veira við skilgreindar aðstæður.

  • Virkni gegn myglusveppum. Prófanir hafa sýnt fækkun tiltekinna myglusveppaagna í lofti.

  • Samfelld virkni. Tæknin vinnur meðan tækið er í gangi og getur þannig verið hluti af reglubundnum forvörnum.

  • Sveigjanlegar lausnir. Tæki fyrir einstök herbergi, heimili, vinnustaði og stærri byggingar.

ActivePure® fyrir heimili, vinnustaði og stofnanir

Við verjum stórum hluta dagsins innandyra. Loftgæði og innivist skipta því máli fyrir heilsu, líðan og daglega starfsemi.

ActivePure® getur verið mikilvæg viðbót við góðar loftgæða- og smitvarnavenjur í fjölbreyttu umhverfi.

Heimili

Fyrir þá sem vilja leggja aukna áherslu á hreinna inniloft og heilnæmari innivist. Hægt er að velja lausn eftir stærð og notkun rýmisins.

Skrifstofur og vinnustaðir

Fyrir fyrirtæki sem vilja bæta innivist og styrkja fyrirbyggjandi aðgerðir í starfsumhverfinu.

Skólar og leikskólar

Fyrir rými þar sem margir dvelja saman daglega og mikilvægt er að huga að loftgæðum, hreinlæti og smitvörnum.

Heilbrigðis- og umönnunarstofnanir

Fyrir starfsemi þar sem gerðar eru ríkar kröfur til hreinlætis og smitvarna. Val á búnaði tekur mið af starfseminni og viðeigandi kröfum.

ActivePure® lausnir hjá DISACT

Við bjóðum upp á mismunandi ActivePure® tæki og lausnir eftir stærð húsnæðis, notkun og þörfum.

Beyond Guardian Air

Öflugt frístandandi lofthreinsitæki sem sameinar ActivePure® tæknina og loftsíun. Hentar meðal annars fyrir heimili, skrifstofur og önnur rými þar sem þörf er á öflugri lausn.

Pure & Clean

Fyrirferðarlítið og sveigjanlegt ActivePure® tæki sem hentar vel fyrir afmörkuð rými, svo sem heimili, skrifstofur og minni vinnurými.

ActivePure® Mobile

Lítið og meðfærilegt tæki sem hentar þar sem óskað er eftir fyrirferðarlítilli og sveigjanlegri ActivePure® lausn.

ActivePure® í loftræstikerfi

Fyrir stærri byggingar og atvinnuhúsnæði er hægt að koma ActivePure® einingum fyrir í viðeigandi loftræstikerfum.

Einingarnar nýta loftflæði kerfisins til að dreifa virkum sameindum um þau rými sem kerfið þjónar.

DISACT metur aðstæður og veitir ráðgjöf um val og uppsetningu búnaðar.

Hvernig virkar ActivePure®?

ActivePure® byggir á einkaleyfisvarinni tækni sem nýtir súrefni og raka úr loftinu til að mynda virkar oxandi sameindir.

Sameindirnar berast út í rýmið og geta unnið gegn tilteknum bakteríum, veirum og myglusveppum í lofti og á yfirborðum.

Í sumum tækjum er tæknin sameinuð loftsíun sem fangar jafnframt svifryk og aðrar loftbornar agnir.

Þetta er helsti munurinn á ActivePure® og hefðbundinni loftsíun: Tæknin er hönnuð til að vinna einnig utan tækisins, í rýminu sjálfu.

Rannsóknir og staðfest virkni

ActivePure® hefur verið prófuð bæði við rannsóknaraðstæður og í raunverulegu starfsumhverfi.

Rannsóknir hafa meðal annars sýnt verulega fækkun tiltekinna baktería, veira og myglusveppa.

Prófanir á ActivePure Medical Guardian hafa sýnt yfir 99,99% fækkun tiltekinna örvera í lofti innan 60 mínútna við skilgreindar rannsóknaraðstæður.

FDA-markaðsheimild fyrir lækningatæki í flokki II

ActivePure Medical Guardian, gerð F170A, hefur hlotið 510(k) markaðsheimild frá bandaríska matvæla- og lyfjaeftirlitinu (FDA) sem lækningatæki í flokki II.

Heimildin á við um þessa tilteknu tækjagerð og skilgreinda notkun hennar, en nær ekki sjálfkrafa til allra ActivePure® tækja.

Árangur getur verið mismunandi eftir búnaði, stærð rýmis, loftflæði, örverum og öðrum aðstæðum.

DISACT veitir nánari upplýsingar um rannsóknir og tæknigögn fyrir þann búnað sem kemur til greina hverju sinni.


Rétta lausnin fyrir þitt húsnæði

Hvert húsnæði er ólíkt og þarfirnar geta verið mismunandi. Rétt val á ActivePure® búnaði tekur mið af stærð og skipulagi rýmisins, loftræstingu og þeirri starfsemi sem þar fer fram.

Hjá DISACT leggjum við áherslu á faglega ráðgjöf og lausnir sem henta aðstæðum hverju sinni.

ActivePure® er viðbót við góða loftræstingu, regluleg þrif og viðhald húsnæðis. Ef grunur er um rakaskemmdir eða myglu þarf jafnframt að rannsaka og lagfæra undirliggjandi orsök vandans.

Viltu vita hvaða ActivePure® lausn hentar þér?

Hvort sem þú ert að skoða leigu, prufuleigu eða kaup aðstoðum við þig við að velja búnað sem hentar þínum þörfum.

Ef grunur kemur upp um myglu

Raka- og mygluvandamál eru útbreidd á Íslandi og alþjóðlega. Yfir 50% fasteigna á Íslandi glíma við slík vandamál, þar á meðal opinberar byggingar. Afleiðingarnar eru aukin veikindatíðni, minni framleiðni, rekstrartruflanir og verðrýrnun fasteigna. Mikilvægt er að bregðast við strax og grunur kemur upp til a fyrirbyggja frekari skaða.

1. Ráðgjöf í síma eða tölvupósti

Við byrjum á stuttu símtali þar sem farið er yfir aðstæður og metið hvort ástandsskoðun sé nauðsynleg.

2. Ástandsskoðun og greining

Húsnæðið skoðað með tilliti til raka og mögulegra rakaskemmda. Rakamælingar og skoðun með hitamyndavél.

3. Niðurstöður og tillaga til úrbóta

Við skilum niðurstöðum greininga og ástandskoðunnar með ítarlegri skýrslu og leggjum til úrbætur.

4. Lausnir til úrbóta

Sérþróuð myglu- og sótthreinsiþokun sem styður við virka hreinsun lofts og yfirborðs.

5. Eftirfylgni &/eða forvarnir

Regluleg þokun (1–2 sinnum á ári) getur hjálpað til við að viðhalda góðu ástandi rýmis. ActivePure lausnir nýtast vel til að styðja við stöðug loftgæði til lengri tíma.

Markmiðið

Markmiðið er að stuðla að öruggara og hreinna nærumhverfi – á heimilum, vinnustöðum og í opinberum rýmum.