Það þarf ekki alltaf að opna veggi eða ráðast í umfangsmiklar framkvæmdir til að kanna hvort vísbendingar séu um myglu í innilofti.
Með Mycometer Air loftgæðamælingu metum við magn myglusveppaagna í lofti og fáum mælanlegar vísbendingar um ástand þess.
Mælingin er fljótleg, veldur litlu raski og niðurstöður geta legið fyrir innan 48 klukkustunda.
Hjá DISACT leggjum við áherslu á faglegt mat, skýrar niðurstöður og ráðleggingar sem hjálpa þér að taka upplýsta ákvörðun um næstu skref.
Mycometer Air er einföld og áreiðanleg aðferð til að meta magn myglusveppaagna í innilofti.
Helstu kostir mælingarinnar:
Fljótleg framkvæmd: Sýnatakan tekur stuttan tíma.
Lítið rask: Ekki þarf að opna veggi eða skemma yfirborð.
Skýrar niðurstöður: Mælingin gefur tölulegt mat sem er borið saman við viðmið aðferðarinnar.
Fagleg ráðgjöf: Þú færð skýrslu með túlkun og ráðleggingum um næstu skref.
Loftgæðamæling getur verið gagnleg þegar:
Grunur er um myglu, jafnvel þótt hún sé ekki sýnileg.
Óvenjuleg eða myglukennd lykt finnst í húsnæðinu.
Rakaskemmdir eða lekar hafa áður komið upp.
Áhyggjur eru af innilofti á heimili eða vinnustað.
Meta þarf ástand loftsins eftir hreinsun eða framkvæmdir.
Mælingin getur hjálpað til við að meta hvort þörf sé á frekari rannsóknum eða aðgerðum.
1. Undirbúningur
Við förum yfir aðstæður og veljum mælistaði með hliðsjón af stærð, notkun og ástandi húsnæðisins.
2. Sýnataka
Verkefnastjóri DISACT framkvæmir loftsýnatöku með Mycometer Air aðferðinni. Skilgreint magn lofts er dregið í gegnum síu sem safnar loftbornum ögnum.
3. Greining og niðurstöður
Sýnin eru greind og niðurstöðurnar metnar samkvæmt viðmiðum Mycometer. Þú færð skýrslu með niðurstöðum, túlkun og ráðleggingum.
Mycometer Air mælir ensímvirkni sem tengist myglusveppaögnum í lofti, þar á meðal lifandi og dauðum gróum og sveppþráðabrotum.
Niðurstöðurnar gefa vísbendingar um hvort magn myglusveppaagna sé innan viðmiða eða hvort ástæða sé til frekari skoðunar.
Mælingin staðsetur þó ekki rakaskemmdir og hagstæð niðurstaða útilokar ekki falinn mygluvöxt í byggingarhlutum.
Ef niðurstöður gefa tilefni til frekari rannsókna getur DISACT aðstoðað með raka- og ástandsskoðun, viðbótarsýnatöku og ráðgjöf um viðeigandi aðgerðir.
Hvort sem um er að ræða heimili, vinnustað eða stofnun aðstoðum við þig við að meta hvaða mælingar henta þínu húsnæði.
Markmiðið er að fá skýrari mynd af stöðunni svo hægt sé að taka upplýsta ákvörðun um næstu skref.
Fljótleg mæling. Skýrar niðurstöður. Fagleg ráðgjöf.
Raka- og mygluvandamál eru útbreidd á Íslandi og alþjóðlega. Yfir 50% fasteigna á Íslandi glíma við slík vandamál, þar á meðal opinberar byggingar. Afleiðingarnar eru aukin veikindatíðni, minni framleiðni, rekstrartruflanir og verðrýrnun fasteigna. Mikilvægt er að bregðast við strax og grunur kemur upp til a fyrirbyggja frekari skaða.
Við byrjum á stuttu símtali þar sem farið er yfir aðstæður og metið hvort ástandsskoðun sé nauðsynleg.
Húsnæðið skoðað með tilliti til raka og mögulegra rakaskemmda. Rakamælingar og skoðun með hitamyndavél.
Við skilum niðurstöðum greininga og ástandskoðunnar með ítarlegri skýrslu og leggjum til úrbætur.
Sérþróuð myglu- og sótthreinsiþokun sem styður við virka hreinsun lofts og yfirborðs.
Regluleg þokun (1–2 sinnum á ári) getur hjálpað til við að viðhalda góðu ástandi rýmis. ActivePure lausnir nýtast vel til að styðja við stöðug loftgæði til lengri tíma.
Markmiðið er að stuðla að öruggara og hreinna nærumhverfi – á heimilum, vinnustöðum og í opinberum rýmum.